கேரள காவல்துறையில் 125 பழங்குடியினருக்கு  முதல்வர் உத்தரவின் பேரில் சிறப்பு நியமனம்
காடுகள் மற்றும் வன எல்லைகளில் உள்ள குடியேற்ற காலனிகளில் வசிக்கும் 125 பட்டியல் பழங்குடி இளைஞர்களுக்கு போலீஸ் கான்ஸ்டபிள் பதவிக்கு நியமனம் செய்ய பரிந்துரை வழங்கப்பட்டுள்ளது. வயநாடு, பாலக்காடு மற்றும் மலப்புரம் மாவட்டங்களின் காடுகளில் வாழும்பிரக்தனா பழங்குடியினருக்கு சிறப்புத் தேர்வுகள் மூலம் இந்தநியமனங்கள் செய்யப்பட்டன. முதல்வரின் சிறப்பு வேண்டுகோளின் பேரில் வெளியிடப்பட்ட அரசாங்க உத்தரவின் பேரில் அவர்கள் நியமிக்கப்பட்டனர்.

பயனாளிகளிடமிருந்து நேரில் விண்ணப்பங்களைப் பெற்று உடற்பயிற்சி சோதனைகள் மற்றும் நேர்காணல்களை நடத்திய பட்டியல் பழங்குடியினர் மேம்பாட்டுத் துறையின் அதிகாரிகளின் உதவியுடன் தேர்வு நிறைவடைந்தது. எழுத்துத் தேர்வு இல்லாமல் இந்த தேர்வு நடைபெற்றது. இதன் மூலம், புறக்கணிக்கப்பட்ட மக்களை சமூகத்தின் முக்கிய நீரோட்டத்திற்குள் கொண்டு வருவதற்கான நடைமுறைகள் மேற்கொள்ளப்பட்டன. கோவிட் நெருக்கடி இருந்த போதிலும் அறிவிப்பு வெளியான எட்டு மாதங்களுக்குள் நடவடிக்கைகள் முடிக்கப்பட்டன. வயநாடு மாவட்டத்தைச் சேர்ந்த 85 பேரில் 65 ஆண் காவலர்கள், 20 பெண் காவலர்கள், மலப்புரம் மாவட்டத்தைச் சேர்ந்த 8 ஆண் காவலர்கள் மற்றும் 7 பெண் காவலர்கள், பாலக்காடு மாவட்டத்தைச் சேர்ந்த 17 ஆண் காவலர்கள், 8 பெண் காவலர்கள் தேர்வு செய்யப்பட்டனர்.மே 2020 அறிவிப்பின்படி இந்த பதவிக்கான தேர்வு செயல்முறை தொடங்கப்பட்டுள்ளது. 2017 ஆம் ஆண்டில், சிறப்புத் தேர்வுகள் மூலம் 65 பயனாளிகள் இந்த முறையில் பரிந்துரைக்கப்பட்டனர். மேலும், ஒரு வருடத்திற்குள் 5,601 ஆண் காவலர்கள், 495 பெண் காவலர்கள் போலீஸ் கான்ஸ்டபிள் பதவிகளின் தரவரிசை பட்டியலில் இருந்து சேர்க்கப்பட்டனர்.

                                      ******************

ஐந்து ஆண்டுகளில் ரூ.20 கோடியிலிருந்து ரூ.150 கோடியாக மருந்து உற்பத்தி அதிகரிப்பு
கேரளத்தில் மருந்துத் தொழில் ஒரு முக்கியமான துறை. இந்தியாவில் உள்ள அனைத்து பொதுத்துறை நிறுவனங்களும் கார்ப்பரேட்டுகளுக்கு விற்கப்படும் நேரத்தில் கேரளத்தின்  பொதுத்துறை நிறுவனமான கேஎஸ்டிபி ஒரு மாற்றாக உருவாகி வருகிறது என்பதில் நாம் பெருமைப்படலாம்  என்று கேரள நிதி அமைச்சர் டி.எம். தாமஸ் ஐசக் தனது பட்ஜெட் உரையில் குறிப்பிட்டுள்ளார்.கேரளத்திற்கு சொந்தமான மருந்து உற்பத்தி நிறுவனம் குறித்து அவர் மேலும் கூறுகையில், 2015-16 ஆம் ஆண்டில் கேஎஸ்டிபி-யின் உற்பத்தி ரூ.20 கோடி. இது 2020-21க்குள் ரூ .150 கோடியாக உயரும். இந்த ஆண்டு பீட்டா அல்லாத லாக்டம் ஊசிபோடக்கூடிய அலகு திறந்து வைக்கப்படுவதால், உற்பத்தி திறன் ரூ.250 கோடியாக அதிகரிக்கும். தற்போதுள்ள திட்டத்தை முடிக்க ரூ.15 கோடி ரூபாய் அனுமதி வழங்கப்பட்டுள்ளது. கிப்பி-யிலிருந்து ரூ.150 கோடி நிதி உதவியுடன், கேஎஸ்டிபி நிர்வாகத்தின் கீழ் புற்றுநோய் மருந்துகளுக்கான புற்றுநோயியல் பூங்கா 2021-22 ஆம் ஆண்டில் செயல்பாட்டுக்கு வரும்.

ரூ.250 விலையுள்ள மருந்து ரூ.40க்கு
உறுப்பு மாற்று நோயாளிகளுக்கு அவசியமான, சந்தை விலை ரூ.250 கொண்ட ஆறு மருந்துகள் பிப்ரவரி மாதம் ரூ.40 க்கு வணிக ரீதியாக அறிமுகப்படுத்தப்படும். 2021-22 ஆம் ஆண்டில் 15 புதிய பார்முலா மருந்துகள் சந்தையில் அறிமுகப்படுத்தப்படும். உலக சுகாதார அமைப்பின் (WHO) சான்றிதழுடன் இந்த மருந்து ஆசிய மற்றும் ஆப்பிரிக்க நாடுகளுக்கு ஏற்றுமதி செய்யப்படும்.

                                      ******************

தேங்காய், ரப்பர், நெல்லுக்கு அதிக கொள்முதல் விலை

தேங்காய், ரப்பர், நெல் உள்ளிட்ட கேரளத் தின் முக்கிய வேளாண் விளைபொருட்களுக் கான குறைந்தபட்ச  விலையை கேரள அரசுஉயர்த்தியுள்ளது. மத்திய அரசு வேளாண் விளைபொருட்களுக்கான ஆதரவு விலையை நீக்கியுள்ள நிலையில், கேரள அரசின் நிதிநிலை அறிக்கையில் முக்கிய வேளாண் பயிர்களின் ஆதரவு விலையை அதிகரித்து நாட்டுக்கே மாற்று வழியை முன்வைத்துள்ளது.ஏப்ரல் 1 முதல் ரப்பரின் குறைந்தபட்ச விலைரூ.150 லிருந்து ரூ.170 ஆக உயர்த்தப்பட்டுள்ளது. நெல்லின் கொள்முதல் விலை ரூ.28 ஆகவும்,தேங்காய்க்கு ரூ.32 ஆகவும் உயர்த்தப்பட்டுள் ளது. வணிகப் பயிர்களைப் பாதுகாக்க கேரளா ஒன்றிணைந்து செயல்பட வேண்டும். ரப்பருக்குரூ.200 ஆதரவு விலையை மத்திய அரசு அறிவிக்க வேண்டும். தேங்காயின் ஆதரவு விலையும் அதிகரிக்க வேண்டும். மற்ற வணிக பயிர் களுக்கு ஆதரவு விலைகளை அறிவிக்க வேண்டும் என்றும் பட்ஜெட் கோரியது.

விவசாயத்தில் 2 லட்சம் வேலைகள்
விவசாயத் துறை குறைந்தது இரண்டு லட்சம்பேருக்கு வேலைவாய்ப்பு வழங்கும். குடும்பஸ்ரீயின் 70,000 சங்க வேளாண் குழுக்களில் மூன்றுலட்சம் பெண்கள் பணியாற்றுகின்றனர். 2021-22க்குள் ஒரு லட்சமாக குழுக்களின் எண்ணிக்கை உயர்த்தப்படும். அதன்மூலம் கூடுதலாக 1.5 லட்சம் பேர் பணியாற்றுவர். விளைபொருள் சேகரிப்புக் குழுக்கள், சுய உதவிக் குழுக்கள், கூட்டுறவு சங்கங்களின் ஆதரவில் சாகுபடி ஊக்குவிக்கப்படும். இலக்கு தரிசு நிலமற்ற கேரளம் என்பதாகும்.

உணவுத் துறைக்கு ரூ.1500 கோடி
உணவு உற்பத்தியில் பல்வேறு துறைகள், உள்ளாட்சி அமைப்புகள், விவசாய முகமை நிறுவனங்கள் ரூ.1500 கோடி முதலீடு செய்யும்.காய்கறிகள், பால், முட்டைகளில் தன்னிறைவு பெறுவதே குறிக்கோள். தயாரிப்புகளை கொள்முதல் செய்ய விஎப்பிசிகே-க்கு ரூ.20 கோடி ஒதுக்கீடு செய்யப்பட்டுள்ளது. காய்கறி மற்றும்கிழங்கு வளர்ச்சிக்குரூ. 80 கோடி ஒதுக்கப்பட்டுள்ளது. விஎப்பிசிகே, தாவர உற்பத்தி திட்டம், ஆர்கேவிஒய் போன்ற திட்டங்களிலிருந்து மேலும் ரூ.75 கோடி ஒதுக்கீடு செய்யப்படும். ஆண்டுதோறும் ஒரு கோடி பழ மர மரக்கன்றுகளை நடவு செய்வதற்கான பத்து ஆண்டு திட்டத்தில் ரூ.50,000 கோடி கூடுதல் வருவாய் கிடைக்கும்.

*    நெல் வளர்ச்சிக்கு ரூ.116 கோடி ஒதுக்கப் பட்டுள்ளது. உள்ளாட்சி அமைப்புகள் ரூ.5,000 முதல் ரூ.10,000 வரை கூடுதல் நிதிஉதவி வழங்கும். தலா ரூ.2000 வீதம்ராயல்டியாக 40 கோடி ரூபாய் வழங்கப் படும்.

* தேங்காய் சாகுபடிக்கு ரூ.75 கோடி ஒதுக்கப்பட்டுள்ளது. திசு வளர்ப்பு தொழில்நுட் பம் ஊக்குவிக்கப்படும். தேங்காய் மதிப்புகூட்டப்பட்ட தொழில் மேம்படுத்த கூட்டுறவுவங்கிகளின் பரிந்துரையின் பேரில் தேங்காய் கிளஸ்டர் நேரடியாகவோ அல்லதுவிவசாயிகளின் உரிமையிலோ அமைக்கப்படும். தேங்காய் நார் தொழிற்சாலை முதலீட்டில் 90 சதவிகிதத்தை கயறுத்துறை மானியமாக வழங்கும்.

வயநாடு காபிக்கு சுவை அதிகரிக்கும்

வயநாட்டில் உள்ள காபி விவசாயிகளுக்கு 2021-22 ஆம் ஆண்டில் ஆதரவு விலை கொண்டுவரப்படும். வயநாடு காபி பிராண்டின் தயாரிப்பு அடுத்த மாதம் தொடங்கும். பிரம்மகிரியில் காபிஆலை விரிவாக்க ரூ.5 கோடி வழங்கப்படும். ஏப்ரல் மாதத்திற்குள்  வயநாடு காபியின் 500 விற்பனை இயந்திரங்களையும், 100 கியோஸ்க் வயநாடு காபியையும்  குடும்பஸ்ரீ அறிமுகப்படுத்தவுள்ளது. இதற்காக குடும்பஸ்ரீக்கு ரூ.20 கோடி ஒதுக்கப்பட்டுள்ளது. பிராண்டட் காபி உற்பத்திக் காக வாங்கப்பட்ட காபி கொட்டை ஒரு கிலோவுக்கு ரூ.90 விலை நிர்ணயிக்கப்பட் டுள்ளது. 2021 - 22 இல் கிப்பி முதலீட்டில் வயநாடு காபி பூங்கா அமைக்கப்படும்.காப்பிக் கொட்டை குறைந்தபட்ச விலையில் கொள் முதல் செய்யப்படும்.